Mancher braucht die Fasenacht,
da ihn sonschd nix gligglich macht.
Nur allzu schnell isch se verflosse,
Träne werre oft vergosse.
An Aschermittwoch isch’s vorbei,
nix mehr mit Helau-Alaaf-Geschrei.
Gut so, denn es soll im Lewe,
noch wichtigeres als d‘Fasnacht gewe.
In neggschder Zeit do henn mer Wahle,
und des bereitet viele Quale.
Wen soll mer wähle,
uff wen kann mer zähle,
dass mer net dud des Ziel verfehle?
Ich hab en Rat für Eich, Ihr Leit,
denggd driwwer noch, Ihr hennd noch Zeit.
Des was sich bisher hat bewährt,
des könnder wähle, des isch net verkehrt.
Neie Bese kehre gut,
des aus Erfahrung mer sage dut.
Nur, ob mer de Bese richtig führe kann,
des zeigt sich meischd erschd später dann.
Deshalb für heit, Ihr Leit, die Devise,
wählet die, die des Könne scho bewiese.
(Die Wahlempfehlung unseres gnitzen Dohlenaze vom letzten Aschermittwoch lautet natürlich: Wähled FWFE)
<- zurück oder mehr von www.dohlenaze.de ->